சனிக்கிழமை வரை தொடருமாம் அவ­சரகால சட்­ட­ம் !

கண்டி உள்­ளிட்ட நாட்டின் பல பகு­தி­களில் பரவ ஆரம்­பித்த இன­வாத வன்­மு­றை­களை கட்­டுப்­ப­டுத்தும்
நோக்­குடன் ஒரு வார காலத்­துக்கு அமுலில் இருக்­கத்­தக்­க­தாக ஜனா­தி­ப­தியால் அமுல் செய்­யப்­பட்ட, பொது மக்கள் பாது­காப்பு சட்­டத்தின் இரண் டாம் பகு­தி­யான அவ­சர கால நிலைமை எதிர்­வரும் சனிக்­கி­ழமை வரை தொடரும் நிலைமை ஏற்­பட்­டுள்­ளது. 

அதன்­படி தற்­போது ஜப்­பா­னுக்கு  விஜயம் செய்­துள்ள ஜனா­தி­பதி மைத்தி­ரி­பால சிறி­சேன எதிர்­வரும் சனிக்­கி­ழ­மையே  நாடு திரும்பும் நிலையில் 18 ஆம் திகதி ஞாயி­றன்று, அவ­சரகால சட்­டத்தை நீக்கும் வர்த்­த­மா­னியில் கையெ­ழுத்­தி­டுவார் என ஜனா­தி­ப­தியின் செய­லாளர் ஒஸ்டின் பெர்­னாண்­டோவை மேற்கோள் காட்டி, ஜனா­தி­பதி செய­ல­கத்தின் உயர்­மட்ட தக­வல்கள் கேச­ரிக்கு  தெரி­வித்­தன.  

 இலங்­கைக்குள் வைத்து இந் நாட்டு நேரப்­படி ஜனா­தி­பதி குறித்த அவ­சர கால சட்ட வர்த்­த­மா­னியில் கையெ­ழுத்­திட்­டதால், மீண்டும் அதனை நீக்கும் வர்த்­த­மா­னி­யிலும் இங்கு வைத்தே கையெ­ழுத்­திட வேண்டும் என சுட்­டிக்­காட்­டிய அந்த  தக­வல்கள் அதன் பிர­கா­ரமே எதிர்­வரும் 18 ஆம் திகதி இதற்­கான வர்த்­த­மானி  வெளி­யி­டப்­பட ஏற்­பா­டுகள் செய்­யப்­பட்­டு­வ­ரு­வ­தாக  குறிப்­பிட்­டன. 

நாட்டில் ஏற்­பட்ட இன­வாத வன்­மு­றை­களை கட்­டுப்­ப­டுத்தும் நோக்­குடன் கடந்த மார்ச் 6 ஆம் திகதி பிற்­பகல் 2.45 முதல் அமு­லுக்கு வரும் வகையில் ஜனா­தி­ப­தியால் அவ­சர கால சட்டம் பிறப்­பிக்­கப்­பட்டு வர்த்­த­மா­னி­யா­னது அன்­றைய தினம் இரவு வெளி­யி­டப்­பட்­டது.  

ஒரு­வார காலத்­துக்கே அப்­போது அவ­சர கால நிலை­மையை நீடிக்க அர­சாங்கம் முடிவு செய்­துள்­ள­தாக அறி­வித்­தி­ருந்­தது. அந்த ஒரு வார காலம் நேற்­றுடன் நிறை­வுக்கு வந்த போதும், அதனை நீக்­கு­வ­தற்­கான வர்த்­த­மா­னியில் கையெ­ழுத்­திட ஜனா­தி­பதி நாட்டில் இல்­லா­ததால் அவ­சர கால சட்டம் தொடரும் நிலை உள்­ளது. எவ்­வா­றா­யினும் ஜனா­தி­ப­திக்கு 10 நாட்­க­ளுக்கு அவ­சர கால நிலையை பிர­க­டனம் செய்யும் அதி­காரம் உள்­ளதால் சனிக்கிழமை வரை அவ­சர கால நிலைமை நீடிப்­பதில் சிக்கல் இல்லை என சட்ட வல்லுநர்கள் தெரிவிக்கின்றனர். இந் நிலையிலேயே எதிர்வரும் 17 ஆம் திகதி நாடு திரும்பும் ஜனாதிபதி 18 ஆம் திகதி அவசரகால நிலைமையை நீக்கும் வர்த்தமானியில் கையெழுத்திடவுள்ளமை குறிப்பிடத்தக்கது