வட மாகாண ஆளுநராக கே.சி.லோகேஸ்வரன்.... வரலாற்றில் முதல் தடவையாக தமிழர் ஒருவர் நியமனம்.

மேல்­மா­காண ஆளு­ந­ராக கட­மை­யாற்றும் கே.சி.லோகேஸ்­வ­ரனை வடக்கு மாகாண ஆளு­ந­ராக நிய­மிக்க அர­சாங்கம்
தீர்­மா­னித்­துள்­ள­தாக அரச உயர்­மட்­டத்­தி­லி­ருந்து நம்­ப­க­ர­மாகத் தெரிய வரு­கி­றது. பாகிஸ்­தா­னுக்­கான உத்­தி­யோ­க­பூர்வ விஜ­யத்­தினை மேற்­கொண்­டுள்ள ஜனா­தி­பதி மைத்­தி­ரி­பால சிறி­சேன நாடு திரும்­பி­ய­வுடன் இந்­நி­ய­மனம் இடம்­பெறும் என்றும் எதிர்­பார்க்­கப்­ப­டு­கி­றது.

  இது­தொ­டர்பில் மேல்­மா­காண ஆளுநர் கே.சி. லோகேஸ்­வ­ரனை தொடர்பு கொண்டு கேட்­ட­போது, தான் அதற்கு இணக்கம் தெரி­வித்­த­தா­கவும் மேலும் ஜனா­தி­பதி நாடு திரும்­பிய பின்­னரே அது­கு­றித்து திட்­ட­வட்­ட­மாகத் தெரி­விக்க முடியும் என்றும் கூறினார். ஜனா­தி­பதி மைத்­தி­ரி­பால சிறி­சேன பாகிஸ்­தா­னுக்­கான உத்­தி­யோ­க­பூர்வ விஜ­யத்­தினை மேற்­கொள்­வ­தற்கு முன்னர் 9மாகா­ணங்­களின் ஆளு­நர்­க­ளையும் அவ­ரது இல்­லத்­துக்கு அழைத்து

பேசி­ய­துடன் அவர்கள் விரும்­பிய மாகா­ணங்­க­ளுக்கு இட­மாற்­றத்தை தெரி­வு­செய்து கொள்­ளலாம் எனவும் தெரி­வித்­தி­ருந்தார்.

அந்­த­வ­கையில் 9மாகா­ணங்­களின் ஆளு­நர்­களும் ஒன்­று­கூடி தமக்­கி­டையில் பேசி தாம் விரும்­பிய பிராந்­தி­யங்­களை தெரிவு செய்­துள்­ளனர். அந்­த­வ­கையில் வடக்கு மாகாண ஆளுநர் ரெஜினோல்ட் குரே மத்­திய மாகா­ணத்­துக்­கான ஆளு­ந­ராக செல்­ல­வுள்ள நிலையில், மேல்­மா­காண ஆளு­ந­ராக கட­மை­யாற்றும் கே.சி. லோகேஸ்­வரன் வடக்கு மாகாண ஆளு­ந­ராக நிய­மிக்­கப்­ப­ட­வுள்ளார்.

ஆளுநர் ஒரு­வரின் சேவைக்­காலம் ஒரே இடத்தில் மூன்று வரு­டங்­க­ளாக வரை­ய­றுக்­கப்­பட்­டுள்ள நிலையில் ஆளு­நர்கள் சிலர் இரண்­டரை தொடக்கம் மூன்று வரு­டங்­களை பூர்த்தி செய்­துள்­ளனர். இத­ன­டிப்­ப­டை­யி­லேயே அவர்­களின் இட­மாற்­றமும் அமைந்­துள்­ளது. வடக்கு மாகாண ஆளு­ந­ராக கே.சி. லோகேஸ்­வரன் நிய­மிக்­கப்­படும் பட்­சத்தில் வர­லாற்றில் முதல் தட­வை­யாக வடக்கு மாகா­ணத்தில் நிய­மிக்­கப்­பட்ட தமிழர் என்ற பெரு­மை­யையும் அவர் பெறு­கிறார்.

1988ஆம் ஆண்டு தொடக்கம் இது­வ­ரையில் 30வரு­ட­கா­ல­மாக தமிழர் ஒருவர் வடக்கு மாகாண ஆளு­ந­ராக நிய­மிக்­கப்­ப­ட­வில்லை என்­பதும் குறிப்­பி­டத்­தக்­கது.

இதற்­க­மைய சப்­ர­க­முவ மாகாண ஆளுநர் மார்ஷல் பெரேரா தென்­மா­காண ஆளு­ந­ரா­கவும், மத்­தி­ய­மா­காண ஆளுநர் நிலூக்கா ஏக்­க­நா­யக்க சப்­ர­க­முவ மாகாண ஆளு­ந­ரா­கவும், தென்மாகாண ஆளுநர் கலாநிதி ஹேமகுமார நாணயக்கார மேல்மாகாண ஆளுநராகவும், வடமேல் மாகாண ஆளுநர் அமரா பியசீலி ரத்நாயக்க வடமத்திய மாகாண ஆளுநராகவும், வடமத்திய ஆளுநர் பி.பீ. திசாநாயக்க வடமேல் மாகாண ஆளுநராகவும் நியமிக்கப்படவுள்ளமை குறிப்பிடத்தக்கது.