இந்த ஆண்டில் 1.9 ட்ரில்லியன் ரூபாவும், 2019 இல் 4.2 ட்ரில்லியன் ரூபாவும் நாம் கடன் செலுத்த வேண்டியுள்ளது.

(எம்.எம்.மின்ஹாஜ்,ஆர்.யசி)
முன்­னைய ஆட்­சியின் போது வரு­மானம் இல்­லா­மையின் கார­ண­மாக வெளி­நா­டு­களில் கடன் பெற்­றனர்.
இந்த கடனை தற்­போது நாமே செலுத்த வேண்­டி­யுள்­ளது. அதி­க­ள­வி­லான கடன் அடுத்த வரு­டமே செலுத்­தப்­பட வேண்டும். இதன்­பி­ர­காரம் நடப்­பாண்டில் 1.9 ட்ரில்லியன் ரூபாவும் 2019 இல் 4.2 ட்ரில்லியன் ரூபாவும் 2020 ஆம் ஆண்டில் 3.7 ட்ரில்லியன் ரூபாவும் கடன் செலுத்த வேண்­டி­யுள்­ள­தாக நிதி மற்றும் ஊட­கத்­துறை அமைச்சர் மங்­கள சம­ர­வீர சபையில் தெரி­வித்தார்.

அத்­துடன் மக்­க­ளுக்கு சுமை­யான பொரு­ளா­தா­ரத்தை பொறுப்­பேற்று 18 மாதங்­களில் ஸ்திர­மான பொரு­ளா­தா­ரத்தை ஏற்­ப­டுத்­தி­யுள்ளோம். ஏற்­று­மதி வரு­மா­னத்தை அதி­க­ரிக்க செய்­துள்ளோம் என்றும் அவர் குறிப்­பிட்டார்.

பாரா­ளு­மன்­றத்தில் நேற்று வெள்­ளிக்­கி­ழமை நடை­பெற்ற தீவிர பொறுப்பு முகாமை சட்­ட­மூல இரண்டாம் மதிப்­பீட்டின் மீதான விவா­தத்தில் கலந்து கொண்டு உரை­யாற்­று­கை­யி­லேயே அவர் மேற்­கண்­ட­வாறு தெரி­வித்தார். அவர் மேலும் உரை­யாற்­று­கையில்,

முன்­னைய ஆட்­சி­யிடம் இருந்து, மோச­மான பொரு­ளா­தா­ரத்தை நாம் பெற்­றுக்­கொண்டோம். எனினும் சுமார் 18 மாதங்­களில் நாட்டை நாம் பொறுப்­பேற்று ஸ்திர­மான பொரு­ளா­தா­ரத்தை உரு­வாக்­கி­யுள்ளோம். முன்­னைய ஆட்­சியின் சீரற்ற பொரு­ளா­தாரம் கார­ண­மாக திறை­சேரி சரி­வினை சந்­தித்­தது. இதனால் நாட்டின் பொரு­ளா­தா­ரத்­திற்கு பெரும் பாதிப்­புகள் ஏற்­பட்­டன.

தற்­போது நாம் வரு­மா­னத்தை அதி­க­ரித்­துக்­கொண்­டுள்ளோம். நேரடி வரு­மா­னத்தை அதி­க­ரிப்­ப­தற்­கான நட­வ­டிக்­கை­களை முன்­னெ­டுத்து வரு­கின்றோம். நாம் ஏன் அரச வரு­மா­னத்தை அதி­க­ரிக்க வேண்டும். ஏனெனில் முன்­னைய ஆட்­சியின் போது பெறப்­பட்ட எல்லை மீறிய கடனை நாம் செலுத்த வேண்­டி­யுள்­ளது. முன்­னைய ஆட்­சியின் போது வீணான அபி­வி­ருத்தி திட்­டங்­க­ளுக்­காக கடன் பெறப்­பட்­டுள்­ளது. மத்­தள விமான நிலையம் மற்றும் மாகந்துற துறை­முகம் தற்­போது வெள்ளை யானை­யாக மாற்­றப்­பட்­டுள்­ளது. இதன்­படி 11 ட்ரில்லியன் ரூபா கடன் செலுத்த வேண்­டி­யுள்­ளது.

 நடப்­பாண்டில் 1.9 ட்ரில்லியன் ரூபாவும் 2019 இல் 4.2 ட்ரில்லியன் ரூபாவும் 2020 ஆம் ஆண்டில் 3.7 ட்ரில்லியன் ரூபா கடன் செலுத்த வேண்­டி­யுள்­ளது. அத்­துடன் இலங்கை செலுத்த வேண்­டிய அதி­க­ள­வி­லான கடன் தொகை முன்­னைய ஆட்­சியின் போது பெறப்பட்டதாகும். எனினும் தற்போது மொத்த தேசிய உற்பத்தி ஏற்றுமதி வருமானத்தை அதிகரித்துள்ளோம். மேலும் கல்வி மற்றும் சுகாதாரத் துறைக்கான நிதி ஒதுக்கீடுகளையும் அதிகரிக்கச் செய்துள்ளோம் என்றார்.